(1) Sebeb-i ʿalāmet oldur ki işbu āsitāne-i devlete bizim zamānımızda ve bizden ṣoŋra gelip hiẕmet-i pādişāhī (2) ile müşerref olan ḳarındaşlarımız öyle maʿlūmuŋuz (3) ola ki biŋ on beş ṭārīḫinde mevcūd olan aġa (4) ḳarındaşlarımız ʿatīḳ ve cedīd ve ṣaġīr ve kebīr cümleniŋ (5)maʿrifetiyle mābeynimizden bir aġa ḳarındaşımız āẕād olduḳda (6)ḥasbetenillāh üçer aylıḳ ʿulūfemizi ol yoldaşımıza inʿām etmege maʿḳūl görülüp lākin ’alāyim-i mezbūr iḥrāḳ (7) olmaġın ṣoŋradan devletlü ve saʿādetlü Dārü’s-saʿāde Aġası ʿAbbās Aġa ve Lālā Ḫıżır Aġa ve Sarāy-ı ʿAtīḳ aġası Maḥmūd Aġa (8) ve Baş Ḳapuoġlanı Lālā Şuʿayb Aġa zamānında üslūb-ı sābıḳ üzre taḥrīr olunup bizden ṣoŋra gelen aġa (9) ḳarındaşlarımız daḫi muḫālefet etmeyip vażʿından ḫāric ḫilāfa saʿy etmeyeler sene 1079 [1668-69]