Pādişāh-ı baḥr u ber sulṭān-ı yenbūʿ-ı himem Dāver-i deryā-ʿināyet şāh-ı İskender-nişān Dīde-i ḫaṣma be-her mevci birer ejder olur Tünd-bād-ı ḫışmı yemde nā-gehān olsa vezān Ḳulzüm-i cūdında ednā ḳaṭredir baḥr-ı muḥīṭ Gevher-i ẕātın s̱enāda ḳaldı ġavvāṣ-ı beyān Zümre i keştī-gerāna ḳışla bünyād eyledi Buldı tersāne niẓāmın ʿasker oldı şād-mān Yapdıġı her bir gemi ʿanḳā-yı kūh-ı Ḳāf-ı mevc İşte bu ʿanḳālara bāl ü per olmuş bād-bān Baḥr u berde cündine imdād ide İlyās u Ḫıżr Nūḥ-veş ʿömrin füzūn itsün cevād-ı Müsteʿān Baḥr-ı dilde buldı ʿAynī gevher-i tārīḫini Yapdı mellāḥīne ʿālī ḳışla baḳ Maḥmūd Ḫān (1244)