Cihāndār-ı muʿallā-pāye Sulṭān Aḥmed-i Ġāzi Ki oldur şarḳ u ġarb u berr u baḥre dāver-i aʿẓam Onuŋ mustaġraḳ-ı deryā-yı luṭf u cūdudur āfāḳ Odur ḥaḳḳā veliyy-i niʿmet-i bī-minnet-i ʿālem Eden ẕāt-ı kerīmin āb-ı rūy-ı salṭanat onuŋ Kef-i pür-cūdunu erzāḳ-ı ḫalḳa eylemiş maḳsem Şehenşāh-ı hümāyūn-menḳabet kim ʿahd-i fīrūzun Ḫudā ḳılmış rebīʿ-i kāmurānī-i benī ādem Bi-ḥamdillāh zamān-ı devlet-i ḫayr-iḳtirānında Niçe āsār-ı ʿuẓmāya muvaffaḳ olmada her dem Yapıp bu çeşmesārı sāḥa-i Bāb-ı Hümāyūn’a ʿIṭāş-ı nāsı sīrāb eyledi şāhenşeh-i efḫam Zebān-ı lūle-i şīrīn-beyānı gelse taḳrīre Nebāt u ḳand olur daʿvī-i leẕẕet etseler mülzem Ne ḥācet vaṣfı onuŋ pādişāh-ı ʿālem-ārānıŋ Duʿā-yı imtidād-ı devlet ü iḳbālidir elzem Maṣūn edip ḫaṭālardan Ḫudā ẕāt-ı hümāyūnuŋ Cihān ṭurduḳça olsun dāver-i ʿadl-āver-i ʿālem Hemīşe mesned-i iclāl u baḫt-ı kāmurānīde Keder göstermesin Ḥaḳ ṭabʿ-ı pākin eylesin ḫurrem Kemīne bendesi Şākir dedi tārīḫ-i itmāmın Bu çeşmesār-ı pāki yaptı Sulṭān Aḥmed-i ekrem 1141