Şeh-i sütūde-siyer Ḫüsrev-i Süleymān-fer Cenāb-ı Ḥażret-i Maḥmūd Ḫān-ı mülk-ārā O āb-ı rū-yi selāṭīn ki iki üç şehriŋ ʿUṭāş-ı teşne-lebin etdi sū-be-sū irvā Maḥaṭṭ-ı ġıda şevket Ġalaṭa Ṭopḫāne Merāsī-i süfün-i naṣr olan Ḳāsım Paşa Birini Vālide Sulṭān birin o Şāh-ı cihān Sebīl ü çeşme bināsiyle etdiler iḥyā Ana ṣuyundan idüp ehl-i devlete taḳsīm Ḳuṣūr yerlere de oldu nice çeşme binā Faḳaṭ bu mevżiʿ-i ḫālīye olmayup himmet Ser-ābzār idi derpīş iken iki deryā Aŋa da Ḫıżr erişüp himmet-i ʿaliyye ile Semiyy-i sāḳī-i kevs̱er güzīde-i vüzerā Bu himmet-i ʿalevī bu seḫā-yı mürtażavī Bu iʿtiḳād-ı ḳavī bu nüvāziş-i żuʿafā Bu hażm-ı devlet ü bu ʿiffet ü diyānet ile O ṣadr-ı muḥteremiŋ mis̱li gelmedi ḥaḳḳā Vezīrler arasında nice müsellem ise Bu çeşmesārı da oldu o deŋlü müstes̱nā Ḫüdā maḳām-ı şerīfinde de eyleyüp dāʾim Nice meʾās̱ire tevfīḳ eyleye Mevlā Yazılsa ṭāḳına şāyeste Vāḳıfā tārīḫ Yerinde oldu binā çeşme-i ʿAlī Paşa 1145