Ḥażret-i sulṭān-ı himem-meşreb kim Cūşiş-i reʾfetidir menbaʿ-ı ʿayn-i iḥsān Yaʿnī ol vālide-i Ḥażret-i Sulṭān Selīm Teşneġān-ı himeme etmededir luṭfu revān İşte ez-cümle bu ser çeşme-i elṭāfı ile Sū-be-sū etti ʿaṭā cūy-ı cihānı reyyān Hibetullāhına ḳıldı hibe hem ecrini kim Ḫayr-ı cārīsi ile tā ola ruḥu şādān Çün o dūşīze-i pākīzesi bu ʿālemden Ṭıfl iken olmuş idi ġonca-ı gülzār-ı cinān Gül gibi etmege şādāb revān-ı pākin Kevser-i şefḳatini eyledi böyle cūyān Ravża-i raḥmet anıŋ kendisi hem Ḫān Selīm Ṭuralar devlet ü iḳbāl ile durduḳça cihān Vehbiyā ben de aŋa söyledim iki tārīḫ Līk bir taʿmiye var mıṣraʿ-ı s̱ānīde ʿayān 1206 Çeşme-i Vālide Sulṭān’daki cūşiş-i cūd Oldu şādābī-i rūḥ-ı Hibetullāh Sulṭān 1206