Āṣāf-ı ḫusrev-maʿālīdir veliyy-i niʿmetim Eylerim evṣāfını pīrāye-i naẓm u neşīd Öyle āṣāfdır o kim eyler Süleymān-ı zamān Rūzgār-ı devletinde ẕātına ḥürmet mezid Baġçeḳapusunda ābād eyleyip kāşānesin Eyledi bünyānını bir dil-küşā ḳaṣr-ı meşīd Eylesin miʿmār-ı ṭabʿım vaṣfına vażʿ-ı esās Semt-i naẓm içre denilsin nāmına beytü’l-ḳaṣīd Leyle-i Ḳadr oldu ol kāşāneye naḳş-ı sevād Olmada reng-i sefīd-i naḳşı zīb-i rūz-ı ʿīd Eyleyip efzūn ʿömr ü devletin ol āṣāfıŋ Dār-ı iḳbāl eyleye kāşānesin Rabb-ı Mecīd Hem bu tārīḫim güher-pāş-ı duʿādır Zīverā Bu konaġı ṣāḥibine eyleye Allāh saʿīd 1254