Cenāb-ı āb-ı rūy-ı salṭanat Sulṭān Aḥmed kim Odur Ḫıżr-ı zamāne pādişāh-ı maʿdelet-fermā Şehenşāh-ı mekārim-pīşe kim eyyām-i ʿadlinde Bi-ḥamdillāh ser-ā-pā oldu maʿmūre bütün dünyā O ḫāḳān-ı zamānıŋ āṣaf-ı dāmād-ı ẕī-şānı Vezīr-i aʿẓam İbrāhīm Paşa-yı cihān-ārā Duʿā-yı ḫalḳı isticlāb içün şāh-ı cihān-dārā Hezār ās̱ār u ḫayrāt-ı cezīle eyledi peydā Zamānıŋda birer ḫayra muvaffaḳ oldular cümle Beḳā-cūyān-ı iḳbāli ricāl-i devlet-i ʿuẓmā Ḫuṣūsā kim vekīl-i salṭanat ṣadr-ı keremkārıŋ Mükerrem ṣıhr-ı ẕī-şānı Meḥemmed Ketḫudā Pāşā Bu mevḳiʿ muṭṭaliʿ-i mihr ü cūd-ı pāki olmağla Verip ṣu fī sebīlillāh ʿıṭāşı eyledi irvā Bu gūne çeşme bünyād etti kim āb-ı firāvānın Ki böyle ḫayr-ı cārīye muvaffaḳ eyledi Mevlā Ḳabūl edip cenāb-ı Ḥaḳḳ bi-ḥaḳḳ-ı sūre-i Kevs̱er Ede bānīsine ecr-i cezīl-i bī-ḥisāb iʿṭā Onuŋ Şākir bu mıṣraʿdan çıḳar yek-pāre tārīḫi Meḥemmed ḳıldı Allāh ʿaşḳına mā-i zülāl icrā 1141