Dāver-i Cem-menzilet sulṭān-ı Maḥmūdüʾl-ḫiṣāl Pādişāh-ı rubʿ-ı meskūn sāye-i Rabb-i Celīl Ḳahramān-ı rūzgār İskender-i devrān kim Görse Dārā şevket ü dārātını olur ḫacīl Gūş-ı hūş-ı düşmenānı patladup maḳhūr ider Bir uġurdan ṭop-ı raʿd-ı ḳahrı aldıḳça fetīl Resm-i maṭbūʿ üzre tecdīd eyledi bu ḳışlayı Oldı her bir cānib-i raʿnāsı bī-mis̱l ü ʿadīl Siyyemā bu ḳaṣr-ı vālā-ṭāḳ-ı gerdūn-āsumān Kim ʿulüvv-i saḳfına ḥayretde ḳalmış Cebreʾīl Çeşme-sār-ı cān-fezāsın sū-be-sū iḥyā ile Luṭf idüp āb-ı zülāl-i cūdını itdi sebīl Böyle esbāb-ı cihāda ṣarf-ı himmet itmesi Mehdi-i vaḳt oldıġın işʿār ider bī-ḳāl ü ḳīl Bu cihān teng oldı erbāb-ı fesādıŋ başına Düşmene rāh-ı ʿademden ġayrı yoḳdur bir sebīl ʿÖmrin efzūn leşkerin manṣūr u ḳalbin şād ide Ḥaḳ Teʿālā eylesün aʿdāsını ḫor u ẕelīl ʿAyniyā tārīḫ-i tāmıŋ ṣīti ṭutdı ʿālemi Oldı ṭopçı ḳışlası resm-i ḳadīminden cemīl (1227)