Şehenşāh-ı cihān Sulṭān Aḥmed Ḫān-ı ʿādil kim Muvaffaḳtır umūr-ı devlet ü iḳbālde Ḥaḳḳā Maḳām-ı ḫidmet-i devlette ehlin eyler istiḫdām Be-vefḳ-i emr-i kār-āmūz-ı aʿşi’l-ḳavse bārīhā Ricāl-i salṭanat merkezleriniŋ ḥükmünü verdi Ḫuṣūṣā ṣadr-ı ṣāḥib-devlet-i ʿuẓmā ʿAlī Pāşā Mübārek ḫırḳa-i pāk-i Resūl’uŋ olduğu menzil Faḳīr-i bī-nevālar desti gibi teng idi ammā Ahālīsi o semtiŋ ḳıllet-i mā-i muṣaffādan Bütün olmuşlar idi mübtelā-yı renc-i istisḳā Baḳarlardı ne gün iḥsān eder bir ṣāḥib-i ḫayrāt Muḥaṣṣal ṣuda idi cümleniŋ çeşmi ḥabāb-āsā Cenāb-ı ṣadr-ı aʿẓam vāḳıf olduḳta saʿādetle Getirdi eyledi bir çeşme-i Āb-ı ḥayāt icrā Edip hem cāygāh-ı ḫırḳa-ı peyġamberi tevsīʿ O maḥfil meşreb-i dānā gibi vüsʿattedir ḥālā Ḳodu ṣuyuna ol nāzik maḳām-ı pāk ü mümtāzı S̱evābın eyleyip rūḥ-ı şerīf-i ḥażrete ihdā Ḥabībullāh’adır Ḥaḳḳā bu ikrām ile bu taʿẓīm Şefāʿatle mükāfāt ede ol sulṭān-ı bī-hemtā Bu taʿẓīmin görüp peyġambere S̱ābit dedi tārīḫ Resūlullāh’a zībā eyledi ikrām ʿAlī Pāşā 1118