Zā’ir-i beyt-i Ḫudā La‘lī Efendi kim odur Kethüdā-yı Ḥażret-i Sulṭān-ı kübrā ism ü ẕāt Etmek için iḳtifā erbāb-ı ḫayra nev‘a-mā Bir es̱er vaż‘ına sa‘y eylerdi memdūḥü’ṣ-ṣıfāt Bu maḥall-i ḫuşkı bu āb ile sīr-āb eyledi Eyleye ferdāda Mevlā bā‘is̱-i fevz ü necāt Fāṭıma Ḫānım o Zehrā-ḫaṣlet iken zevcesi Gitdi ‘uḳbāya edip terk-i cihān-ı bī-s̱ebāt Rūḥunu merḥūmeniŋ iḥyāya himmet eyleyip Merḳadi ḳurbünde yapdı çeşme-i mā-i Fırāt Ḫayr-i cāri-veş Ḫudā maḳbūl-i dergāh eyleyip Ede ecrin zīver-i ser-levḥa-i ḥüsn-i berāt Ṣubḥ ü şām etsin ‘ıṭāş-ı nāse tārīḫi nidā Oldu cārī fī-sebīli’llāh geliŋ ‘ayn-ı ḥayāt Sene 1148