Ḥażret-i Ḫālid-i ẕī-şān Ebī Eyyūb kim Şeref-i nāmı ile buldu beled ʿizz ü ʿalā O şehenşāh-ı kerāmet o veliyy-i muṭlaḳ Mālik-i mülk-i ġazā server-i cünd-i şühedā Oldu her vech ile memdūḥ-ı resūl-i ekrem Nola eylerse şefāʿat o saʿādet-pīrā Maḥżu li’llāh anı iclāle bināen yapdı Mekteb-i pāk ile bir medrese-i müstes̱nā Mefḫar Dār-ı saʿādet Aġası Ḥācī Beşīr Ki semāḥatde odur ṣāḥib-i dest-i beyżā Gülşen-i ʿilme bahār-i keremi ebr-i maṭīr Ġonca-ı maʿrifetullāha verir neşv ü nemā Cism-i pākin kılıp iksīr-i luṭfdan taḫmīr Ṭabʿını lübb-i ’ināyāt yaratmış Mevlā Ḳad-i evṣāfına kūtehdür anıñ s̱evb-i beyān Lāne-i teng hümā midḥatine her ma’nā Yā ne lāzım ḳalem-i ʿācize vaṣfın taḥrīr Ḥasb-ı ḥālin es̱er-i ḫayrı ḳılarken īmā Ders-i medḥin o mekārim-şiyemiñ ey ḫāce Sebaḳ-āmūz-ı naẓım ḳılmaya ḥācet ne revā Edelim ḫayr-duʿāyı bize vācib oldur Ḳılalım dergeh-i Mevlā’ya s̱enāsın inḥā ʿİzz ü rifʿat ile zī-şān ola yā Rabbi hemīn Tevsen-i çerḫ murādınca ola pā-ber-cā Oldu bu mıṣrāʿ-ı pākize Mehībā tārīḫ Cāmīʿ-ı ʿilm ü ʿamel dār-ı ḥadīs̱-i zībā 1147