Sırrına Maḥmūd Ḫān’ıŋ keşf ile bildirdi Ḥaḳ Şeh Murād-ı S̱ālis̱iŋ ʿahdindeki Şeyḫ Aḥmed’i Ḳubbesi hem-çün ḥabāb uçmuş o baḥr-i himmetiŋ Maḥv olup seyl-i ḥavādis̱den ruḫām-ı meşhedi Ḫāne yapmış üstüne herkes mürūr-ı vaḳt ile Eylesin her ferdi Ḥaḳ ol mürşidiŋ müsterşedi Açmamış bir pādişāha sırrın ol merd-i Ḫudā Eyledi kendinden āgeh şehriyār-ı erşedi Būy-ı ʿirfān şemm edip buldu Buḫārī Türbesin Baḳ bu sulṭān-ı velāyet-rütbe daḫı neyledi Ḫāneḳāh-ı Nāḳşibendī eyleyip ol ḫāneyi Ancaḳ ehlu’llāha ḥürmetmiş bilindi maḳṣadı Eyleyip mihmānını tekrīm o ḫāḳān-ı kerīm Ber-murād oldu yine ʿuḳbāda cedd-i emcedi Olsa biŋ ḫāḳān-ı ʿādil zīver-i mülk-i cihān Münḥaṣırdır ẕātına şerʿan ḫilāfet mesnedi İstiʿānet eyleriz kim ḳabr-i ehlu’llāhden Reşk ide ʿömr-ı hümāyūna beḳā-yı sermedī Yazdı ʿİzzet ḫāme-i muʿciz-nefes tārīḫini Eyledi Maḥmūd Ḫān iḥyā bulup bu merḳadi 1232