Teʿāla’llāh zihī raʿnā binā nev cāmiʿ-i vālā Menār-ı nûr-ı raḥmet cilve-gāh-ı şāhid-i taḳvā Tażarruʿgāh-ı mevcūdāt-ı ‘ālem dense lāyıḳdır Ki her bir revzeni bir dest-i ṭa‘atkār ider īmā Degildir çākī-i miḥrāb ṭarf-ı kıble-gāhından İcābet rāhı açmış sālik-i taḳva içün gūyā Nice āvīze etmez aŋa kendin beyża-i meh kim Sirācı olmaġ içün mūmdur mihr-i cihān-ārā Hudāyā iki ʿālemde saʿādet bula bānīsi Egerçi ḳadr-i ecrin itdi naṣṣ-ı “men benā” inhā Bunuŋ gibi nice ḫayrāta yā Rab muvaffaḳ ḳıl Hezārān cāyı li’lāh eylesin taḳvā içün iḥyā Çıḳa tā kim ḫaṭīb-i mihr-i enver minber-i çarḫa Ola maḥfel-güzīn-i naʿt-ḫānı taṣliyet-pīrā İḳāmet eyleyip dāim ṣalāt-ı cumʿa-i şükrün Ṣufûf-ı ḳudsiyān iḫlāṣ ile olsun duʿā-gûyā Temām olunca Esʿad lafżan u maʿnen dedim tārīḫ Yapıldı biŋ yüz otuz altıda bu maʿbed-i zībā