Ḫān Maḥmūd o veliyyüʾn-niʿam-ı ʿālem kim Aşçıbaşılıġınıŋ ṭālibi Dārā oldı Muḳtedā-yı şeh-i şāhān u ḫatīb-i şevket Minber-i salṭanatı çarḫdan aʿlā oldı Öyle bir vālide sulṭān-ı himem-muʿtādıŋ Gelmedi devlete bir mis̱li ki dünyā oldı Öyle bir ṣāḥibetü’l-ḫayr-ı kerem-perver kim Feyż i tevfīḳ-i İlāhī aŋa muʿṭā oldı Ḳıldı bu cāmiʿi tecdīd rıżāʾen-lillāh Aşçılar zümresine niʿmet-i kübrā oldı Her zamān eyle ʿibādet burada ādem iseŋ İşte her gūşesi bir cennet-i meʾvā oldı Ṣıdḳ u iḫlāṣ ile bu maʿbedi tecdīd idicek Rūḥ-ı merḥūme Nefīse ḳadın iḥyā oldı Yaʿni merḥūmeye baḫş itdi s̱evāb-ı ecrin Bu seḫāvet ile ḫayrātı dü-bālā oldı Ne saʿādet kişiye yār-ı vefā-dārından Niyyet-i ḫayr ile bir Fātiḥa ihdā oldı Ḥażret-i vālide sulṭān u şeh-i ẕī-şānıŋ Yār u yardımcısı Allāh Teʿālā oldı Nice şeh-zāde ile anları mesrūr itsün Müʾminīne bu duʿā maḳṣad-ı aḳṣā oldı Şükr ḳıl niʿmet-i tārīḫine ʿAynī her vaḳt Aşçılar Cāmiʿi tecdīdi ne zībā oldı (1225)