Muḥammed Beg-efendi ibni el-Ḥācı Ḥüseyn Paşa Göçüp bu dehr-i dūndan ḳıldı ʿazm-i ’ālem-i bālā Hemīşe pīşe evrād ile eẕkār idi ol ẕāta Şeb ü rūz eyledi taḥṣīl-i zād-ı ʿālem-i ʿuḳbā <…> ile taʿmīr-i beyte etdi çoḳ ḫıdmet Şefī’ ola oŋa rūz-ı cezāda Kaʿbe-i ʿulyā Egerçi cānib-i devletden olmuşdu ana me’mūr Be-cāy-āverde-i ḫıdmet olup sa’y eyledi ḥaḳḳā Tehī-destāna ’ālem <…> etmiş idi Taṣadduḳ etmede ihmāl ü imsāk etmedi aṣlā Niçe defʿa olup rūznāmçe-i evvel zamānında Ḳapandı defter-i aʿmāli etdi ẕimmetin ibrā Ser-āmed olmuş iken ḫācegān-ı devlet önünde Ḳodu bālīn-i ḫışt üzre seri ḳabri edip meʾvā Olup ṭay-kerde-i dest-i ecel rūznāmçe-i ’ömrü Çü naḳş-ı ṣūret-i ʿālem eder taḥvīli istidʿā Ṣalāḥ üzre mürūr etmişdi evḳātı bu ʿālemde Ede ʿuḳbāda Bārī cāygāhıŋ cennet-i aʿlā Gelip bir dā’i-i iḫlāṣ-pīşe dedi tārīḫin Muḥammed Beg-efendi eyleye raḥmet saŋa Mevlā 1132