Ferīdūn menzilet şems-i felek ḳadr ü melek-ḫaṣlet Ki ya‘nī Ḥażret-i Ḫān Aḥmed ol şāh-ı kerem-mu‘tād Süvār olup sa‘ādet raḫşına seyr ü şikār içün Rikābına düşüp pūyende ṣayd-efgen nice ṣayyād O ẓıllu’llāh Edirne taḫtgāhına ṣalup sāye Hümāyūn baḫtı ile ḫalḳ-ı şehri eyledi dil-şād Olup mā’īl o şehr-i dil-güşāya şāh-ı dānā-dil Murād idindi bir ḫān-ı cedīdi eyleye īcād Yapılsun deyü fermāŋ edecek ol ḫān-ı ‘ālī-şān Vezīrān içre defter-dārı oldu emrine münḳād Binā ḳıldı o dem bir ḫān-ı dil-keş āb-ı Kevs̱er-veş Anuŋ ṭarḥında maḳdūrunu ṣarf itdi nice üsṭād Olup rāḥat-resān-ı reh-revān ol ḫān-ı ‘ālī-şān Mekīn olan ṣafālar kesb idüp ġamdan olur āzād Metānetde bu resme olmadı mihmān-serāy el-ḥaḳ Rubāṭ ‘ālemi bennā-yı ḳudret edeli bünyād Temāşā eyleyüp Kesbī didi itmāmına tārīḫ Yapıldı Ḫān-ı Sulṭān Aḥmed oldı bī-bedel ābād Sene 1018