(Muḳbil-i) rūy-ı zemīn ʿAbdülḥamīd Ḫān kim anuŋ Ḫalḳ-ı ʿālem ṣu gibi emrine eyler imtis̱āl Mihr-i ḫāver çeşme-i cūdunda zerrīn ṭasdır Māh-ı enver menhel-i ʿadlinde bir sīmīn sifāl Ḫayra mevḳūf oldu çünkim himmet-i şāhānesi Maḥremān-ı ḫāṣṣı hep ḫayrāta ḳıldı iştiġāl Siyyemā zīb-i ḥarīm-i ’iṣmeti Naḳşī Ḳadın Māder-i şeh-zāde-i vālā-yı maḥsūdü’l-ḫiṣāl Rābiʿa-sīret Yedinci Ḳadın ol kim cūy-veş Ṣarf ider ecr ü duʿā taḥṣīline māl ü menāl Mevḳiʿinde ḫūb u dil-cū çeşmesār etdi bina Teşnegāna āb-ı pür-şehdi verip terfīh-i-bāl Şāh-ı ʿaṣrı eyle evlādıyla yā Rab şād-kām Ceyşi ḳılsun düşmenin seyl-i ’arim-veş pāy-māl Sāyesinde ṣāḥibü’l-ḫayrāt Ḳadın ḥażretin Feyż-yāb ide iki ʿālemde Ḥayy-ı lā-yezāl Çār eṭrāfa Münībā neşr ḳıl tārīḫini Ṣıḥḥat olsun iç bu zībā çeşmeden mā’-ı zülāl 1201