Ḫidiv-i dād-meşreb āb-ı rū-yı salṭanat yaʿni Cenāb-ı Ḥażret-i Sulṭān Maḥmūd-ı felek-dergāh Maḥall u mevḳiʿinde bunca ḫayrāt eyleyip inşā Ser-ā-pāy-ı cihānı ḳıldı ābādān o şāhenşāh Anıŋ de’b-i şerīf ü meslegin derpiş edip işte Bu rūh-efzā sebīli yapdı aġa-yı mekārim-ḫ’āh Aġa-yı ekrem-i Dārü’s-saʿāde menbaʿü’l-ḫayrāt Cihān-ı himmet el-ḥāc[ı] Beşīr Aġa-yı ʿālī-cāh Virüp nūş eyleyen ʿaṭşāna feyż-i leẕẕet-i cāvīd Bu ṣu āb-ı ḥayātıŋ hükmün icrā itmede billāh Vürūdu selsebīliŋ menbaʿındandır bunuŋ yāḫud Çıkar mecrāsı ḥavż-ı Kevs̱er’e mānende-i şeh-rāh Ḥalāvetde şeker-levn ü ṣafāda şīrdir ammā Mizāc-ı dil-keşinde müstekin hāṣıyyet-i dey-māh Olup tār-ı eşi’’a fi’l-mes̱el zencīrek-i zerrīn Aŋa şayeste sīmīn kūzeler ʿarż etse mihr ü māh Bu āb-ı dil-keş ebnā-yı sebīli seyr ḳıldıḳça Ola şādāb-ı devlet ol aġa-yı ʿārif ü āgāh ʿUṭāş-ı ʿāleme tārīḫin işrāb eyle ey Raḥmī Gel iç mā-i ḥayāt-ı dil-küşāyı fī-sebīlillāh 1157