Felek-şān mihr-i devlet ṣadr-ı Rūm Aḥmed Efendi kim Yapıldı devr-i ‘adlinde bu mesken rūşenā oldu Hümā-yı ‘aḳla evc-i āsitānı āşiyān olmaz Ki saṭḥ-ı arż-ı vālā-ṭarzı mā-fevḳa’s-semā oldu Gelip dehre cihānı bir daḫı seyr etsin İskender Ruḫ-ı dīvārı bir āyīne-i ‘ālem-nümā oldu ‘Abīr ü nūr u cūy-ı selsebīl ü feyż-i rūḥānī Bu nev-bünyāda ḫāk ü āteş ü āb u hevā oldu Gül-i mihr-i cihān-tāb olsa lāyıḳ şemse-i ṭāḳı Sipihr-i çārüme bāmı medār-ı i‘tilā oldu Temāşā eylesin bīmār-ı dāġ-ı reşk olan kimse Nesīm-i lāle-zār-ı dil-güşāsı cān-fezā oldu Görüp beẕl-i nuḳūdun yazdı ‘Aynī bendesi tārīḫ Bu ḫāne cūd-ı Şemsü’d-dīn Efendi’yle binā oldu 1217