Bānī-i ḳaṣr-ı ʿadālet Ḥażret-i Maḥmūd Ḫān Etdi dünyāyı niẓāmıyla res̱ānet-iktināh Az vaḳitde eyledi köhne binā-yı dehri nev Baḳ müceddid oldıġına bu es̱erler güvāh İrtifāʿ-ı ḳubbe-i eyvān-i iclālin görüp Āsumān ẓann etdi şāhān-ı cihān bī-iştibāh Eylemiş bünyān-ı iḳbālin Sinimmār-ı ḳader ʿĀleme rükn-i raṣīn-i maṭlab-ı emn ü ferāh Olıcaḳ Ḳaṣr-ı Feraḥ terkibi mülhem ḳalbine Nām-ver ḳıldı bu ḳaṣrı ol şeh-i şevket-penāh Şüphesiz oldu bu ḳaṣrı bī-bedel Ḳaṣr-ı Feraḥ Olucak nuṭḳ-ı hümāyūnu ṣafā-baḫş-ı şifāh Mürtefiʿ bu kāḫ-ı vālānıŋ zemīni öyle kim Bām-ı ḳaṣr-ı çarḫ olur meşhūd eger ḳılsaŋ nigāh Görmege ol nūr-baḫş-ı şevketiŋ teşrīfini Ṣubḥ u şām eyler civārından güzer ḫurşīd u māh Yümn-i teşrīf-i hümāyūnuyla ol şāhenşehiŋ Eylesin Ḳaṣr-ı Feraḥ her cāyı elṭāf-ı İlāh Çākeri Zīver mücevher söyledi tārīḫini İsmini Ḳaṣr-ı Feraḥ ḳıldı bu kāḫıŋ pādişāh 1254