Cenāb-ı Ḥażret-i Sulṭān ‘Os̱mān Ḫān-ı S̱ālīs̱ kim Bilir evḳāt-ı ḫams içre du‘āsın farż-ı ‘ayn ebrār Sirāc-ı dīn imām-ı Müslimīn ol dāver-i ‘aṣrıŋ Ṣabāḥü’l-ḫayr-ı şevket cebhesinde maṭla‘ü’l-envār Rıżāu’llāh içün olmaġla dā’im sa‘y-ı meşkūru Bu ‘ālī mābediŋ iḥyāsına Ḥaḳḳ eyledi iḳdār Muṭāf-ı ehl-i sünnet ḳıble-i aṣḥāb-ı ṭā‘atdır Zehī ḫayr eyledi ol mecma‘-i memdūḥa-i ās̱ār Ḳırā’at eyleyip āyāt-ı naṣrı resm-i ‘Os̱mānī Melā’ik maḥfilinde fetḫ-ḫˇān olmaḳdadır her bār Be-‘arş ü Kürsī-i a‘lā bi-ḥaḳḳ-ı Mescid-i Aḳṣā Ola ḫoşnūd rūḥ-ı Muṣṭafā vü Ḥażret-i Ġaffār Teveccüh eyleyip dergāh-ı Ḥaḳḳa ḥüsn-i niyyetle Dedi ta‘mīrine tārīḫ içün bu beyti istiḥżār İmām-ı ‘ahd olan Sulṭān ‘Os̱mān eyleyip imdād Ḳılındı ma‘bed-i Maḥmūd Pāşā yümn-ile i‘mār 1169