Ḥażret-i Ḫān Aḥmed-i s̱ālis̱ k’onuŋ Māderi Sulṭān-ı memdūḥü’ṣ-ṣıfāt Devr-i ʿadlinde o şāh-ı aʿẓamıŋ Verdi bu ḫayr-i cemīle Ḥaḳ s̱ebāt Yaptırıp bu çeşmeyi Allāh içün Onda icrā eyledi Āb-ı ḥayāt Bir içim ṣuyu arayıp sū-be-sū Cüst-cū eylerdi eṭfāl ü benāt Sūziş-i tāb u teb-i Temmūz’dan Buldu ol dil-teşneler şimdi necāt Fetḥ olaldan tā bu feyż-i vaḳte dek Etmemiş erbāb-ı devlet iltifāt Dād-ı Ḥaḳ’tır herkese olmaz naṣīb Nice ḫayrāt etti bu pākīze ẕāt Ḥaşre dek rūḥ-ı Ḥüseyn’i şād edip Vālide Sulṭān o ḫayrü’l-ümmehāt Sāḳī-i Kevs̱er onu sīrāb ede Hem şefāʿat ḳıla faḫr-i kā’ināt Devlet-i dāreyne maẓhar eyleyip Vere Cennet’te ḳuṣūr-ı āliyāt Nūş edip Şehdī dedi tārīḫini Çeşmesār-ı bī-bedel mā-i ḥayāt Sene 1118