Ḥażret-i Sulṭān Maḥmūd Ḫān-ı ʿādil kim odur ʿĀlemiŋ İskenderi deḫrin hidīv-i ekremi Devr-i ʿadlinde ṣuyun buldu riyāż-ı salṭanat Mā-ḥaṣal sīr-āb-ı cūd etdi ser-ā-pā ʿālemi Çeşmeler bünyād edip kūşe-be-kūşe sū-be-sū Eyledi Ṭopḫāneyi şād-āb-ı feyż-i ḫürremi Ṣu yerine fī sebīliʾl-lāh edip beẕl-i nuḳūd Eyledi icrā bu dil-cū çeşme-sār-ı muḥkemi Ḥabbeẕā ser-çeşme-i ṣāf ü laṭīf ü ḫoş-güvār ʿAynıdır āb-ı ḥayātıŋ menbaʿ-ı müstaḥkemi Ṭarḥı raʿnā mevḳiʿi zībā bināsı dil-küşā Şöyle kim baḳdıḳça defʿ eyler göŋüllerden ġamı Mümkin olsa eylesem bir kerre Rıḍvān’a suʾāl Ḥavż-ı Kevs̱er’den midir bu āb-ı nābıŋ maḳdemi Teşnegāne Raḥmiyā tārīḫin işrāb eyledim Saʿy edip Sulṭān Maḥmūd etdi icrā zemzemi 1145