Şāhinşeh-i ʿālī-himem Maḥmūd Ḫān-ı Cem-ḥaşem Sulṭān-ı memdūhüʾş-şiyem olsun ḫatālardan emīn Böyle olur ḥüsn-i nigāh saḳf-ı ʿalā ḫalḳuʾl-ilāh Ḫayrātına ʿālem güvāh hem ʿayn-ı ṣāf-ı anberīn Ḳılsun o sulṭānı Ḫüdā her demde manṣūrüʾl-liva Reyḥāneteyn-i Muṣṭafā ʿaşḳına iç māʾ-i maʿīn Bu ḫayrı bünyād eyledi ʿālemleri şād eyledi Elṭāfı müzdād eyledi ẓıll-i ilāhüʾl-ʿālemīn Zemzemdurur bu āb-ı nāb ṭaʿmı eleẕẕ ü müsteṭāb Niʿmeʾs̱-s̱evāb maḥż-ı ṣavāb sermāye-i dünyā vü dīn Ḥaḳḳâ bu mā āb-ı ḥayāt sükker gibi ʿaẕb ü furāt Yā şehd ü yā ḳand ü nebāt nūş eyle bil ʿilmeʾl-yaḳīn Zemzem-veş iç saʿy eyle hem ḳıl ḥamd-i Ḥaḳḳı mültezem Sulṭān-ı aṣra dem-be-dem eyle duʿā fī küll hīn Dedi Ḥanīfā çākeri tārīḫ-i ʿayn-ı enveri İç āb-ı nāb-ı kevs̱eri hep ʿayn-ı dil-cūdan hemīn Ketebehū ʿAlī Ḫ˘āce-i Sarāy-ı Cedīd 1145