Şehenşāh-ı mekārim-pīşe Aḥmed Ḫān-ı Ġāzī’niŋ Vezīr-i aʿẓam-ı dāmād-ı ʿālī-ḳadr-ı ẕī-şānı Ebü’l-ḫayr-ı niẓām-ı ʿālem İbrāhīm Pāşā’nıŋ Reh-i Ḥaḳ’ta revān oldı zülāl-i feyż-i iḥsānı Güzel buldu ṣuyun mecrā-yı yümn-i mekremet Ḥaḳḳā Olunca böyle olsun ādeme tevfīḳ-i Rabbānī Ḳuru bir nāmı ḳaldı dilde ancaḳ çeşme-i Ḫıżr’ıŋ Ki icrā eyledi bu çeşme ḥükm-i Āb-ı ḥayvān’ı Sebīli ḫod bakılsa bir içim ṣudur leṭāfette Ṣafāda selsebīl-i bāġ-ı Cennet dense erzānı Hemīşe ẕāt-ı pāki mevrid-i ḫayr-ı ḥisān olsun Ola peyveste yārı luṭf-ı Bārī ʿavn-ı Yezdānī Duʿāsın ṣu gibi ezberleyip bu beyt ile herkes Desinler Tāʿibā tārīḫini gördükçe ʿaṭşānı Zülāl-i birr ü iḥsānından İbrāhīm Pāşā’nıŋ İçip şād eyleŋ ervāḥ-ı ʿıṭāş-ı ehl-i īmānı