Şemʿ-i miḥrāb-ı kerem Ḥażret-i Maḥmūd Ḫān’ıŋ Ḳıldı nūr-ı ḥasenātıyla cihān kesb-i ṣafā Kaʿbe-āsā müteveccih o şehenşāha cihān Dergehi ḳıble-i şāhān-ı cihān olsa sezā Şerefe erdi menār-ı kereminden ʿālem Nūr-ı iḥsānı ile oldu münevver dünyā Maḥfil-ārā-yı seḫā cāmiʿ-i ḫayr u ḥasenāt Bānī-i luṭf-ı kerem vāḳıf-ı ḥāl-i żuʿafā Faḫr ederse nola ervāḥ-ı selāṭīn-i selef Cümleye ḫayr-ı ḫalefdir o şeh-i ʿadl-ārā Vālid-i emcediniŋ ḳurre-i ʿaynıdır o şeh Ḳıldı çeşm-i es̱er-i vālidine baḫş-ı cilā Vālid-i emcediniŋ rūḥunu şādān etdi Ḳıldı bu cāmiʿi cennet gibi pür-zīb ü ṣafā Hep desin gökde cemāʿatle melāʾik āmīn Ol imām-ı ṣaf-ı şāhāna dilā eyle duʿā Ḥaşre dek hemçü ḳanādil-i meh ü mihr-i felek Maḥfil-i şevketini rūşen ede ṣubḥ u mesā Dedi Zīver ḳulu tārīḫ-i mücevher göricek Etdi ḫāḳān pederi mābedin iḥyā vālā 1254