Ḥażret-i Sulṭān İbrāhīm ʿālī-menzilet Ḥāmī-i dīn-i Muḥammed ṣāḥib-i ḥalḳ-ı ʿaẓīm Pādişāh-ı Cem-ḥaşem Dārā-yı Efrīdūn-ʿalem Mālik-i iḳlīm-i himmet nāşir-i luṭf-ı ʿamīm Oldı ḫalḳ-ı ʿāleme eyyāmı eyyām-ı bahār Cümle dünyāya vücūdı raḥmet-i Rabb-i Raḥīm Ḫulḳ-ı ḫalḳında Ḫudā iḥsānın itdi āşikār Hem mehīb ü hem cemīl ü hem selīm ü hem ḥalīm Ḳande bulurdu bu būy-ı dilkeş ezhār-ı baġ Būy-ı ḫulkın ʿāleme neşr etmiş ola yā nesīm İtdi ol sulṭān-ı ʿālī-şāndan bir gün ṣudūr Muḳteżā-yı luṭf-ı ṭabʿ u ẕihn-i ......?... fehīm Emr ḳıldı yapıla bir ḳaṣr-ı ʿālī vü bülend Tāze bir ṭarz-ı müferraḫ olmaya resm-i ḳadīm Cemʿ olup fermān-ı ʿālī üzre üstādān-ı ʿaṣr Eyledi bir ṭarḥ-ı nev miʿmār-ı ṭabʿ-ı müstaḳīm Oldı bu ḳaṣr-ı ṣafā-güster maḥallinde binā Ola ṣad sāl devletle şeh-i devrān muḳīm Mübārek bād Saʿādet-bād Ola devletle göŋül ḫoşluḳlarıyla kām-kār Baḫt ü devlet hem-nişīn iḳbāl ü ʿizz ola nedīm Oldı ol ḳaṣr-ı muʿallā bir nigār-ı dil-firīb Ḳāmet-i zībāsı bālā rūy-ı raʿnāsı besīm Meyl ider naḳş-ı nigārına anuŋ erbāb-ı ẕevḳ Ḥaẓẓ ider ḥüsn-i cemālin seyr iden ṭabʿ-ı selīm Aḳıdup her ṭāḳa çeşmesinden āb-ı zülāl Ḳaṣr-ı ʿālī-ḳadr oldı ġayret-i Dār-ı Naʿīm Şevket bād Devlet bād İdüp ol ṣudan vużū el aç duʿā-yı fetḥ içün Dāverā göster yed-i beyżāyı mānend-i Kelīm Ol gümüş gibi ṣudan pürdür ḫazīne her zamān Nitekim envāʿ-ı maḥzūnātla ḳalb-i ḥalīm Bu ḳadīmī ḫānedāna dāʾimā altun aḳar Bir maḥallinde ʿaceb midür anuŋ aḳarsa sīm Ḳaṣr içinde yaḳılan ʿanberden olup ḥiṣṣedār Ṣaḥn-ı ʿālemde nesīm-i ṣubḥ eser ʿanber-şemīm Bū ṣafāyile gezerse kūşe kūşe ʿālemi Bī-tereddüd ḳalmaya dünyāda bir cāy-ı vaḫīm Belki bu can-baḫş nefḥayla ḥayāt-efzā olup Yine tāze can bula doḳunduġu ʿaẓm-i remīm Kaʿbedür ol beyt-i ʿālī vü ḥarīmidür ḥarem Dāimā maʿmūr müʾemmen ola ol beyt ol ḥarīm Pādişāhāne düşündükde o ḳaṣr-ı bī-naẓīr Aṭlas-ı çerḫ ister anuŋ ferşine ola kilim Sen ṣafā sür pādişāhum devlet ü iḳbāl ile Bed-gümān olanlar olsun maẓhar-ı ḳahr-ı elīm Devr-i ʿadliŋde muṣāḥib birbiriyle gürg ü mīş Devletüŋde ḳırmaz oldu ḥükmüŋü ḫalḳ-ı ẕemīm Ol peyamber ḥaḳḳı kim gökde gezerken gögsüni Māh-ı bedri itdi engüşt-i mübārekle dü nīm Tīġ-i ḳahr-ı ḫışmıŋuŋ vaṣfın işidüp ḫāk ola Ḥaşyetinden ḳalb-i pür-vesvās anda çü elīm Ḥaḳ teʿālā ḥażreti dāyim vücūduŋ ḥıfẓ ede Var-ısa bedḫāh olanlar ola maḳhūr ü ʿadīm Fetḥ ü nuṣretle ile nice vilāyetler getür Ola aʿdā-yı liʾām devlete mevlā-yı ġarīm Vire maḳṣūd ü murādātuŋ Cenāb-ı Ḥaḳ deyü Pādişāhum iderüz dāim duʿālar ʿan-ṣamīm Cümle-i ekdārdan ḥıfẓ etmek-içün kārımız Rūz u şeb iḫlāṣ-ı ṣıdḳ-ile duʿādır Ḥaḳḳ ʿalīm Baḥr-ı fikr içre olup ġavvāṣ buldum nice dürr Her biri bir lūʾlüʾ-yi şehvār bir dürr-i yetīm Ḳaṣr-ı ʿālīnüŋ ʿarūs-ı medḥine ḫalḫāl içün Silk-i taḥrīre düzerken bir nice dürr-i naẓīm Ḫāṭır-ı Yaḥyā’ya ilhām oldı tārīḫ ü duʿā Eyle bu ḳaṣrı mübārek ey İlāh vü ey Kerīm