Semiyy-i faḫr-i mevcūdāt Sulṭān Aḥmed-i Ġāzī Şeh-i sāḥib-me’ās̱ir ẓıll-ı pāk-ı Ḥażret-i Vehhāb Emīn-i Yes̱rib ü Başḥā muʿīn-i millet-i beyżā Ebā ʿan ced şeh-i dānā ḫıdīv-i şāhirü’l-ensāb O ḫāḳān-ı keremkārıŋ bu ʿarż-ı Cennet-āsāda Olup ġufrān ile ümm-i ṣafiyye-ḥasleti der-ḫvāb Onuŋ rūḥ-ı şerīfin ḫayr ile yād eylemek ḳaṣdın Derūn-ı pākine ilhām edince Ḫāliḳü’l-esbāb Vezīr-i aʿẓam u Dāmād İbrāhīm Pāşā’nıŋ Gil-i kāmın ḫitāb-ı müsteṭābıyla edip şādāb Şeref-ābād’ı bünyād eyledikten soŋra emriyle Bu ʿayn-ı Zemzem’iŋ çün ḳıldı icrāsın oŋa işrāb Bu mıṣraʿla Nedīmā söyledi tārīḫ-i itmāmın Bu şehri mā ile Sulṭān Aḥmed eyledi sīrāb