Şehenşāh-ı cihān Sulṭān Aḥmed Ḫān ki olmuştur Her engüştü onuŋ nīsān-ı luṭfa sīmden mīzāb O bir deryā-yı pür-cūş-ı keremdir kim nis̱ār eyler Ḫıẓır-veş sāḥil-i dāmān-ı gevher-bāra dürr-i nāb O bir ṣāḥib-ḳırāndır çeşm-i ḫışm-ile nigāh etse Eger kim maʿden-i pūlāda olur lucce-i sīmāb Ḳoşup dūlāb-ı çarḫa s̱evri keyvān etse lāyıḳtır Hemīşe sāḥa-i devlet-sarāyın delv ile şādāb Kemālātı onuŋ hem-zāddır tahṣīl ile olmaz Ḳabūl-i āb eder mi ṭaşradan hīç gevher-i sīrāb O sulṭān-ı cihānbān Üsküdār’ıŋ faṣl-ı germāda İşitdi ṣuyu çün Āb-ı ḥayāt-āsā olur nā-yāb Ṣuyun buldurdu dil-cū çeşmeler yaptırdı her sūyun Bu şehriŋ ṣuyu çoḳ faṣṣ-ı nigīn-veş eyledi ġarḳ-āb Ḫuṣūsā bu münevver çeşme kim vaṣfında şāyāndır Denilse menbaʿ-ı deryā-yı nūr u çeşme-i mehtāb Ḫudā maḳbūl edip bu ḫayr-ı cārīsin ḳıla dā’im Mülūke āsitānıŋ secdegeh dergāhını mihrāb Bu abıŋ ʿĀṣımā icrāsına Raḥmī demiş tārīḫ Bu şehri mā ile Sulṭān Aḥmed eyledi sīrāb