Nev-be-nev feyż-i müceddidlik ile ḳıldı binā Dāver-i devrān Maḥmūd Ḫān bu nev-ḳışlayı Köhne uṣlūb-ı cihānı eyleyip ṭarz-ı cedīd Yapdı ol şāhenşeh-i devrān bu nev-ḳışlayı Resmi dil-keş hem der ü dīvārı maṭbūʿu’n-niẓām Ḳıldı dehr içre güzel bünyān bu nev-ḳışlayı Nola eylerse cünūd-ı ḫāṣṣa kesb-i sürūr Ḳıldı zībende binā ḫāḳān bu nev-ḳışlayı Lā-muḥāle fer verir āfāḳa nev-ās̱ār ile Eyledi zībāyiş-i imkān bu nev-ḳışlayı Ẓıll-ı Ṭūbā’sından yapdı ʿaskere Ḫāṣ Baġçe’de Ḳaṣr-ı cennet gibi vālā-şān bu nev-ḳışlayı Cevher-i ʿömr-i hümāyūnun füzūn etsin Ḫudā Eyledi inşāya naḳd iḥsān bu nev-ḳışlayı Söyledim tārīḫ-i itmāmın mücevher Zīverā Şāh-ı ʿadlī etdi ābādan bu nev-ḳışlayı 1254