Mālik-i mülk-i ḫilāfet sāye-i Rabb-i Raḥīm Ṣāḥib-i taḫt-ı velāyet Ḥażret-i Maḥmūd Ḫān Öyle bir ḳutb-ı medār-ı salṭanatdır kim o şeh Oldu dāʿi şevketiçün ġavs̱-ı evtād-ı zamān Sāye-i ʿadlinde maʿmūr olmadıḳ yer ḳalmadı Ḳıldı miʿmār-ı niẓām-ı ʿālemi dārü’l-emān Öyle vīrāndı bu Saʿdīḫāne kim vaḳt-i şitā Erbāʿīne girse bir sālik ṭoŋardı bī-gümān Yapdırıp ol mihr-i şevket bu maḳāmı nūr-veş Ḳıldı bünyānın resānetle mis̱āl-i āsumān Ḥaḳ binā-yı şevket ü iclālin etsin pāy-dār Sāyesinde beyt-i maʿmur-ı sürūr olsun cihān Ḥarf-i menḳūṭ ile Zīver söyledim tārīḫini Tekye-i Saʿdiyye’yi ḳıldı binā Maḥmūd Ḫān 1252