Te’ālallāh ne zībā bir es̱erdir bāʾis̱-i raḥmet Resūlu’llāha ḫidmetdir naẓar ḳıl varsa idrākiŋ Selīm Ḫān’ıŋ vekīl-i genc-i vālāsı Bilāl Aġa Ḫalīlpaşalı ṣarf etmekde ḫayra ẕihn-i çalākiŋ Alıp vażʿ eyledi bu mescīde züvvār için lillāh Görünce lihyeteyniŋ maẓhar-ı esrār-ı levlākiŋ Karīn etsin ḳabūle ḥażret-i Ḥaḳ cümle ās̱ārıŋ Gidersin seyl-i ġufrānı maʿāsī ḫār u ḫāşākiŋ Ṣalāt ile selām olduḳça her dem pīşgāhında Yana nār-ı ḥasedle ḳalbi dāʾim ehl-i işrākiŋ Murādātıyla ḳılsın behrever her dem cenāb-ı Ḥaḳ Ḳarārı daʿīm olduḳça cihānda āb ile ḫākiŋ Hemān dāreynini maʿmūr ede ol ẕāt-ı vālānıŋ Yaza her ḫaṭvesinde ecr-i mis̱liŋ ehl-i imsākıŋ Dedim ehl-i dile tārīḫ-i tāmıŋ Şākirā ben de Ziyāret ḳıl Ḥabībü’l-kibriyānıŋ liḥye-i pākiŋ 1210 el-Faḳīr Meḥmed Esʿad el-Yesārī ġufire ẕünūbehu