(1) Ḥālā mesned-ārā-yı ṣadāret-i ʿuẓmā erīke-pīrāy-ı kübrā vezīr-i aʿẓām-ı bī-hemtā (2) ṣāḥibüʾl-ḫayrāt veʾl-ḥasenāt devletlü ʿināyetlü Yūsuf Paşa yessera’llāhü mā-yezīdü mā-yeşā (3) ḥażretleri ḥasbeten liʾllāhü teʿālā binā ve iḥyāsına muvaffaḳ olduḳları sebīl-ḫāne ve çeşme-i (4) ʿadīdelerine icrā için Ṣarıyer üzerinde Dutluḳ nām maḥallde vāḳiʿ Vālide (5) Sulṭān menbaʿından Ḳılıç Pıŋarı’na gelince mürūr-i eyyām ile külliyen müşrif-i ḫarāb (6) ve muʿaṭṭal olan ṣu yolların bā-ʿiẕn-i hümāyūn-i şeref-maḳrūn ve bā-hüccet-i (7) şerʾiyye müceddeden iḥyā için altı buçuḳ māsūra ṣu iḥsān buyrulup (8) muḳaddemā daḫi ḥafr ile mālik olduḳları bir buçuḳ māsūra ṣuya ilḥāken (9) cemʿan sekiz māsūra ṣu ile memlū ve müreşşaḥ ḫazīne-i ʿālīdir. (10) Miyāh-ı meẕkūreden müşārünileyh ḥażretleriniŋ devlet-ḫāne-i bī-hemtālarına (11) bir māsūra ve ḳurbünde kāʾin çeşme-i naẓīflerine iki māsūra ve Fındıḳlı (12) Cāmiʿ-i şerīfi ḳurbunde ḥammām ittiṣalinde müceddeden iḥyā buyurduḳları sebil-ḫānelerine bir māsūra ve (13) çeşme-i naẓīflerine iki māsūra ve Çivici Limanı ḳurbünde keynūnet-i ʿālīleri buyrulan (14) çeşme-i cedīdelerine iki māsūra māʾ-i leẕīẕ minvāl-i meşrūḥ [üzere] tevzīʿ ve taḳsīm ve icrā olundu. Meşeḳahu el-abdu’l-müẕnib Fī sene ihda ve mieteyn ve elf.