Medār-ı ḳuṭb-ı ‘adālet cenāb-ı Ḫān Maḥmūd Sipihr-i fażl u edeb şeyḫ ü şāb ḳavlince Vücūdu maṣdar-ı ef‘āl-i ḫayr ü iḥsāndır Ricāl-i dāniş-i ṣıḥḥat-nisāb ḳavlince Yapıldı işte bu nev medrese zamānında Aġa-yı ekrem-i ‘ālī-cenāb ḳavlince Aġa-yı a‘ẓam-ı Dārü’s-sa‘āde Ḥācī Beşīr Cihān-ı ḫayrdan ehl-i ṣavāb ḳavlince Ḳażiyye-i ḥasenāta netīce-baḫş-ı vüfūr Odur s̱iḳāt-ı saḥīḫü’l-cevāb ḳavlince Bunuŋ gibi nice ḫayrāt ola daḫi peydā O ẕāt-ı Ekrem dād-ı intisāb ḳavlince Burūc-ı çarḫ ile yeksān s̱emān hücreleri Ẕevi’l-ma‘ārif-i ‘ilm-i ḥisāb ḳavlince Müferriḥ oldu hele hey’et-i dil-ārāsı Mühendisān-ı ḫaẕāḳat-menāt ḳavlince Dedim bināsına tārīḫ-i bī-bedel Raḥmī Maḳām-ı ders ü ifāde-i kitāb ḳavlince 1157 Ketebehu el-faḳīr ilā raḥmeti Rabbihi’l-Ḳadīr Beşīr ḫāzin-i şehriyārī