Zihī münkād-ı emr-i Kirdgār u ẓıll-i Rabbānī Ser-efrāz-ı cihāndārān u aṣrın şāh-ı devrānı Menār-ı nūr-ı şān Sulṭān Selīm Ḫān-ı bülend-ikbāl Biḥīn gülbānk-i dādı eyledi pür cümle āẕānı Güzīn-i ḫüsrevān u ḳıble-i şāhān-ı ʿālemdir Ṭırāz-ı mülketidir Yes̱rib ü Baṭḥā-yı Yezdānī Cihānın nuḫbesidir dār-ı mülk-i salṭanatdārı Ki aṣḥāb-ı kirāmıŋ oldu ḫāmuşgāh-ı ẕī-şānı Ḫuṣūṣā buḳaʿ-i dil-cū vü mensūb-ı Ebī Eyyūb Żārīḥ-i Ḫālid ibni Zeyd-i Enṣārī-i nūrānī Odur rāyet-keş-i ġazv ü ʿālemdār-ı Resūlullāh Onuŋ dārında şāhenşāh-ı kevneyn oldu mihmānı Onuŋçün beyt-i pāki oldu berter ʿarş-ı aʿlādan Hümāyūn meşhedi de öyledir derk et bu ṭarz anı O medfendir tecelligāh-ı envār-ı füyūż u sırr O bāb-ı türbeniŋ aḳṭābdır bī-şübhe derbānı