Zihī tāʿatgeh-i ehl-i velāyet kim bu beytu’llāh Meṭāf-ı evliyādır ṭāʾifi reh-bürde-i maṭlūb Baṣīretmende gerd-i sāḥasından iktiḥāl etmek Baḳılsa farż-ı ʿayn olmuş ki müjgānıŋ eder çārūb Bulunduḳda kerāmetle münevver meşhed-i Ḫālid Ki ḥālā genc-i naḳd-i raḥmet-i Ḥaḳdır o cāy-ı ḫūb Ḳapu açmış musallīne ṣalā ḳılmışdı vaḳtinde Cenāb-ı Ḥażret-i Fātiḥ yapıp bir cāmiʿ-i merġūb S̱evābın oŋa vaḳf etmekle ḳaṣd-ı intisāb etmiş Onuŋçündür olur bu maʿbed ol devletlüye mensūb Şefāʿat-ḫāhlıḳda fiʿl-i ceddin işleyüp şimdi Şeh-i ʿālī-himem-i ṭarż-ı ḳadīmin ḳıldı nev üslūb Civārından rıżā pāzārı dükkānlar alup ḳatdı Kef-i sükkānlarına ṣayıverdi cümle zer-maḥbūb Büyütdü niyyet-i pākiyle taṭhīr etdi ḫavlīsin Derūnından binā-yı nā-becāyı eyleyüp meslūb Ebu’l-fetḥ-i cihānıŋ çünkü tecdīd etdi ās̱ārın O şāhı Ḥaḳ edip ġālib adūsun eylesin maġlūb Surūrī söyle tārīḫin edā-yı farż edip onda Selīm Ḫān’a duʿā ḳıl oldu zībā cāmiʿ-i Eyyūb 1215