Çü etdi fetḥ Ḳosṭanṭinye’yi Sulṭān Meḥemmed Ḫān Sekizyüzle daḫi elliyediniŋ sāl ü ezmānı O dem ḳabr-i Ebī Eyyūb’u ḳıldı Aḳşemseddīn Kerāmetle bu yerde gün gibi iẓhār u raḫşānī Güzār-ı şeş sinīn-i fetḥden ol fātiḥ-i belde Mezārı nezdine olmuş zihī bu cāmiʿi bānī Mürūr-ı vaḳt ile ammā olup vehn-i ḳavī tārī Bu demde ḳıldı niyyet indirāsa çār erkānı Sütūnunda ḳıyāma ḳalmayıp yārā-yı bālā-gīr Rükūʿa ḳubbesi meyl etdi buldu żaʿf her yanı Olup ṣaff-ı ser ü sāmānı cümle müşrif-i secde Taḥiyyāta kuʿūdu eylemişdi ḳasd-ı ḫayṭānı Şeh-i ʿālem edip bu cāmiʿi hep hedm esāsından Nihāde eyledi üss-i nevīn bünyād-ı ʿumrānı Derūn-i camiʿ ü ḥavlīsini tevsīʿ ile ḳıldı Buŋa ṣarf ḥasbeten-li’llāh emvāl-i firāvānı İlāhī defter-i a’mālini ol şāh-ı devrānıŋ Ḳılıp lebrīz-i ecr et naṣr ile mesrūr u şādānı Kırāʾat eylesin ʿĀrif bu tārīḫi muṣallīler Selīm Ḫān yapdı aʿlā maʿbed-i Eyyūb Sulṭānī 1215