Yazıldı rāyetine āyet-i ”innā fetaḥnā lek” Çün oldı meslek-i Sulṭān Aḥmed aḥsen-i meslek Şeref virdi anuŋ ẕāt-ı şerīfi baḫt ile taḫta Vücūduyla mübāreklik bulupdur tāc ile tārek Hemīşe rūy-i iḳbāline fetḫü’l-bāblar olsun Derinden olmasın baḫt ile devlet bir zamān münfek Ṭulū’ itdükce dergāhından ol şeh āfitāb-āsā Dinilse dergehine ṣubḥ-ı ṣādıḳdur olur gerçek Açup Bāb-ı Hümāyūnı hemīşe bāl-i iḳbāli Ola günden güne taḫt ile baḫtının esāsı pek Bu āyīn üzre çün fetḥ itdi bu Bāb-ı Hümāyūn’ı Revādur āyet-i fetḥ ile tāriḫin beyān itmek Didi bu bābda Esʿad aŋa hātif idüp tārīḫ Yazılsun bāb-ı Sulṭān Aḥmed’e “innā fetaḥnā lek”