Şehinşāh-ı muʿaẓẓam Ḥażret-i Sulṭān Maḥmūd Ḫān Kerāmet-pīşe ḫayr-endīşe ḳuṭb-ı devlet-i dünyā Ḫilāfet taḫtına zīver ḥaḳīḳat mülkine server Ṭarīḳat sırrına maẓhar ciḥāna sāye-i evlā Tekāya vü zevāya sāyesinde olmada maʿmūr ʿİnāyātı ḳulūb-ı ehl-i ẕikri ḳılmada iḥyā Biri bu ḫānḳāh-ı Muṣṭafā Paşa ki çoḳdandır Ḫarāb idi yapıldı himmetiyle oldu pek aʿlā Ṭarīḳ-i Sünbülī’dir şāh-ı rāh-ı gülşen-i tevḥīd Ḥarīm-i sırr-ı pāk Ḥażret-i Sünbül budur ammā Hevā-yı Sünbülī’si feyz-i raḥmetdir bu gül-zārıŋ Vezāndır sū-be-sū enfās-ı ḳudsīye nesīm-āsā Ṭurur bu bāġ-ı ʿaşḳıŋ servisi zencīr ile beste Eder bir şemmesi böyle hezār āzāde-yi şeydā Bu dergāh-ı şerīf olduḳça yā Rab maʿbed-i İslām Cihāna ḳıble-gāh-ı hācet olsun şāh-ı ʿadl-ārā Buyurdu ḫiẕmet-i inşāya Ḫusrev bendesin meʿmūr Odur her ʿasker-i manṣūra düstūr-ı himem-pīrā İki tārīḫ çekdim ben de Pertev silk-i imlāya Olup gevher-şümār-ı sübḥa-i manẓūme-i maʿnā Maḳām-ı ʿārīfāndır eyledi Maḥmūd Ḫān inşā 1250 Sezā bu zīb ü ferre ḫānḳāh-ı Muṣṭafā Paşa 1250 el-Müẕnibü’r-rācī Yesārī-zāde Muṣṭafā ʿİzzet ġufirallāhu zünūbehu