Ḥażret-i Sulṭān Ġāzī-i Cem-şükūh Ḫān Meḥemmed Fātiḥ ü kişver-küşā Pādişāh-ı ḳalʿa-gīr ü ṣāf-şiken Ḫusrev-i Rüstem-nekir şīr-i vegā Ġonce-i ṭabʿın görünce gül gibi Açdı devletle bu cāy-ı dil-küşā Oldu cārī emr-i ʿālī ḳıldılar Bir müferrih ḥavż ü bir çeşme binā Ḥavż-ı Kevs̱er çeşme-i āb-ı ḥayāt Ġayret-cū-yi İrem ʿayn-ı şifā Şehriyāre nūş-i cān olsun müdām Ḥıfẓ ide ẕātın Cenāb-ı Kibriyā Ola cārī tā ḳıyāmet āb-veş Sū-be-sū emri bi-ḥaḳḳ-ı enbiyā Dāʾimā ẓıll-i hümā-yi devleti Eylesün deḫri ser-ā-ser pür-żiyā Nālī’den tārīḫini ṣordum didi Çeşme-i ʿaynüʾl-ḥayāt-ı cān-fezā 1071