Tārīḫ-i muṣallā-yı ḥażret-i Sulṭān Meḥemmed Ḫān-ı Ġāzī ḫalledallāhu mülkehu Şeh-i aʿẓam Meḥemmed Ḫān-ı Ġāzī Niẓām-ı dīn ü devlet rūḥ-ı dünyā Cihān-gīr ü cihān-baḫş u cihānbān ʿAdū-küş ḳahramān-ı rūz-ı heycā Bıraḳdı tīġi heybet şarḳ u ġarba Mis̱āl-i seyl aḳıtdı ḫūn-ı aʿdā Zamān-ı devlet ü ʾadlinde buldu ʿAceb revnaḳ metāʿ-ı zühd ü taḳvā Nice bulmaz ṣalāḥ u zühd revnaḳ Ki ol sulṭān-ı ġāzī ẓıll-ı Mevlā Muṣallā vażʿına emr itdi bi’ẕ-ẕāt Olup mihrāb u erkānı müheyyā Serīr-i salṭanatda yā İlāhī Vücūd-ı pādişāhı eyle ibḳā Duʿāsı müstecāb olurdı maḳbūl Ṣalātı muʿteber ḳadri muʿallā Ḳabūl et bu duʿāyı dergehiñde Be-ḥaḳḳ-ı sūre-i Furḳān u Ṭāhā Muṣallāya dedi tārīḫ Nālī Mekān-ı muḥterem ʿālī muṣallā Sene 1071