Ḳulzüm-i rüşd ü feṭānet dāver-i deryā-nevāl Menbaʿ-ı cūy-ı ʿināyet ḥażret-i Maḥmūd Ḫān Āb-ı rūy-ı tācidārān-ı selāṭīn-i ʿiẓām Nūr-ı çeşm vü rūḥ-ı ʿālem ẓıll-i Rabbüʾl-müsteʿān Ġayret-i şāhānesiyle ḳıldı tanẓīm-i umūr Devlete verdi niẓāmiyle ḥayāt-ı cāvidān Her ḫarābezārı cūd-ı şefkati maʿmūr eder Her dil-i maḥzūnu eyler iltifātı kāmurān Teşnegānı ḳandırır āb-ı zülāl-i luṭfuna Aḳıdıp ṣular gibi iḥsānın ol şāh-ı cihān İşte ez-cümle ḫarāb olmuş görüp bu çeşmeyi Eyledi tecdīdine fermān ʿināyetle hemān Etdirip mecrāsını taṭhīr ṣuyun buldurup Yapdı bu nev çeşme-sārı ol şehinşāh-ı zemān Ġıll ü ġışşdan eyleyip taṭhīr deḫri ser-te-ser Nuṣret ü tevfīḳ-i Ḥaḳḳ olsun refīḳ ü hem-ʿinān Ḥükm ü fermānı ola cārī cihāna sū-be-sū Eyledikçe ḥükmün icrā mihr ü māh-ı āsumān Beş vaḳit nās eyler icrā bu duʿā-yı elzemi Tā-be-mahşer ede Ḥaḳḳ farḳ-ı enāme sāyebān Bendesi Rāsiḫ dedi tecdīdine tārīḫ-i tām Eyledi icrā bu ʿayn-ı zemzemi Maḥmūd Ḫān 1251 el-faḳīr Yesārīzāde Muṣṭafā ʿİzzet ġufire lehümā