Mehd-i ʿulyā devḥa-i gülşen-sarāy-ı salṭanat Māder-i Sulṭān Aḥmed Ḫān-ı fārūḳ-iḥtisāb Yümn-ile ṭarḥ-efgen-i bünyād olup bu çeşmeye Eyledi dil-teşnegān-ı Üsküdār’ı neşve-yāb Oldular ġarḳ-ı zülāl-ı çeşmesār-ı mekremet Cān verirken bir içim ṣu ḥasretinden şeyḫ ü şāb Gelsin İskender içip bulsun ḥayāt-ı sermedī Gezmesin ẓulmette var iken bu ʿayn-ı müsteṭāb ʿĀlem-i dünyāda bu ecriŋ mükāfātı muḥāl Ede Kevs̱er ile Cennet’te telāfi Bū Türāb Derc edip bir beyte Tā’ib iki tārīḫ-i laṭīf Her gelen ʿaṭşāna der Ḫıżr eyleyip sevḳ-i ṣavāb Vālide Sulṭān bünyād etti bu nev çeşmeyi Rūḥ-ı pāk-i Muṣṭafā ʿaşḳına gel iç āb-ı nāb 1121