Kān-ı iḥsān ü seḫā pādişeh-i heft-iḳlīm Maʿden-ı luṭf u kerem sāye-i Mevlā-yı raḥīm Ḫusrev-i cūd-fezā dāver-i fermān-fermā Menbaʿ-ı feyż ü ʿaṭā Ḥażret-i Sulṭān Selīm ʿAhd-i ʿadlinde dil-i ġonça-veş hep ʿālem Oldu ṣad-şevḳ ü meserret ile ḫandān ü besīm Vaḳf-ı cūd eyleyicek vaḳt-i culūsı ḫalḳa Ḳıldı ḫāṣoṭaya da luṭf-ı cedīdin taʿmīm Yaʿnī her ʿıyd-ı fıtırda pederi ol maġfūr Muṣtafā Ḫān ki vaḳfından onuŋ naḳd-i sīm Cemʿan aḫz ola yedi biŋ üç yüz elli ġurūş Ḳılına cümle silaḥdār aġaya tā teslīm Ketḫüdā-yı üç oṭa ḳırḳ bir aġa-yı ḫāṣoṭa Daḫı miftāḥ aġası dört köşebaşı-ı ḳadīm Cümle bu ḳırk ṭoḳuz aġa ki müsāvāt üzre Ala yüz elli ġurūş her biri ber-vech-i raḳīm Her şeb-i cumʿa ḳırāʾat ḳılına bir Yāsīn Hem leyālī-i ḳanādīlde olup ḫatm-i kerīm Muṣtafā Ḫānıŋ ola ecr-i tilāvet ihdā Rūḥ-ı ʿālīsine ber-ṭarz-ı kemāl-i taʿzīm Eyleye ʿömrünü memdūd şehinşāhıŋ Ḥaḳ Vālidi tā ki ola sākin-i firdevs-i naʿīm Siledār-ı şeh-i devrān ki Yaḥyā Aġa’dır Etdi sulṭān-ı cihāna bunu sevḳ u tefhīm Bende oldum da bu ḫayra dedim ʿArif tārīḫ Ḥüsn-i cūd eyledi ḫāṣ oṭaya Sulṭān Selīm 1203 Ḥarrehū el-abdü’d-dāʿī Meḥmed Esʿadü’l-Yesārī ġafere-lehu