Key-ḫüsrev-i ʿālī-himem İskender-i Dārā-maḳar Ser-çeşme-i cūd ü kerem Sulṭān ʿOs̱mān nāmver Deryā-yı fażluŋ gevheri iḳlīm-i ʿadlüŋ serveri ʿOs̱māniyānuŋ mihteri ṣāḥib-ḳırān-ı baḥr ü ber Çünki o ẓıll-ı Müsteʿan oldı şehinşāh-ı cihān Taʿmīr olundı ol zamān bu oda-i firdevs-fer Yapıldı raʿnā bī-bedel her kūşesi aʿlā güzel Reşk-i cinān olsa maḥal yoḳ buŋa beŋzer dār ü der Olsun hemīşe şādmān ʿālemde ol şāh-ı cihān Bu ḫānede sākin olan maḥfūz ola şām u seher İrdi çün aḥsen ḥāl ile taʿmīr itmāma bu dem Ḥıfzī didi tārīḫ aŋa āmīn ider zībā es̱er sene 1027