Bārekallāh Ḥażret-i Ḫān Aḥmed-i Cem-ḥaşmetiŋ Āṣaf u dāmād-ı ḫayr ās̱ārı heft iḳlīmde Söylenir bir ẕāt-ı ḫayyirdir o kim etmez ḳuṣūr Emr-i uḳbāyı bu dünyā emrine taḳdīmde Yaʿnī İbrāhīm Pāşā-yı celīlü’ş-şān kim Re’y u tedbīrine ser-cümle cihān teslīmde Ḫayr-ḫvāh-ı dīn ü devlet olduğun idrāk edip Şāh-ı ʿālem ẕātına dāyim onuŋ taʿẓīmde İntiẓām-ı ʿāleme saʿy etmede etmez ḳuṣūr Fikri dāyim ʿarż-ı dīn ü devleti tetmīmde Eyleyip ḫayrātını maḳbūl u ẕāt-ı ekremiŋ Ecrin iḥsān ede Ḥaḳ elṭāfını taḳsīmde Böyle bir ḫayra muvaffaḳ oldu bundan böyle de Niçe ḫayrātı o ẕāt-ı muḥterem taṣmīmde Bu sebīl-i pāk ile ʿaṭşāna ikrām eyledi Ḥaḳ oŋa Cennet’te ifrāş eyleye tekrīmde Fāyiż itmāmın görüp bu nev-sebīl-i dil-keşiŋ Beyt-i müfredle dedi tarīḫini terkīmde Ṣadr-ı devlette olup hemvāre ẕātı ber-devām Ola aʿdāsı İlāhī cümle ḫavf u bīmde Gūyiyā bu cāygehde bu sebīl-i bī-behā ʿAyn-ı Zemzem’dir maḳām-ı pāk-ı İbrāhīm’de