Cenāb-ı Ḥażret-i Sulṭān Aḥmed Ḫān-ı s̱ālis̱ kim Benān-ı cūdudur Āb-ı ḥayāt-ı devlete maḳsem Cihānda çār ʿunṣur ḳā’im olduḳça o ḫāḳānıŋ Ḫudā ḳılsın çehār erkān-ı ʿömr ü devletin muḥkem Vekīl-i muṭlaḳ[ı] Dāmād-ı ṣāḥib-ṣulḥ-ı ẕī-şānı Vezīr-i aʿẓam İbrāhīm Pāşā-yı kerem hem-dem Reh-i Ḥaḳ’ta vücūh-ı berre ṣarf-ı māl edip ḳıldı Dil-i ṣāfın niçe ās̱ār-ı ʿuẓmāya Ḫudā mülhem Sitanbul’a bu mevḳiʿ dā’iren mā-dār-ı merkezdir Münevver oldu ḳalb-i mü’min-āsā kişver-i aʿẓam Müşār-ı bi’l-benān iken bu mevḳiʿ faṣṣ-ı ḫātem-veş Ṣusuz olmaḳ revā mı gevher-i tābende-i ʿālem Egerçi ṣūretā leb-teşnegānı eyleyip sīrāb Binā ḳıldı sebīl-i bī-bedel ol ṣadr-ı ferruḫ-dem Velī maʿnen riyāż-ı pāk aʿmāli içün yaptı Muṣaffā bir sebīl-i cān-fezā ol āṣaf-ı ekrem Cihānda olmadı bir böyle pākīze es̱er peydā Meger gülzār-ı Cennet’te göre bir mis̱lini ādem Oḳurlar ṣu gibi leb-teşnegān tārīḫ-i itmāmın Sebīle cūd-ı İbrāhīm Pāşā’dan aḳar Zemzem 1132