Şehenşāh-ı zamān Sulṭān Aḥmed Ḫān-ı ẕī-şānıŋ Ḫudā Bāb-ı Hümāyūn’uŋ cihāna mültecā ḳıldı Penāh eden der-i dārü’l-emān-ı ʿadl ü inṣāfın Derūnun ġayriden āzāde-i ḳayd-ı recā ḳıldı Bi-ḥamdillāh zamānında meẓālim nā-bedīd oldu Cihānı āfitāb-ı ʿadli pür-nūr-ı żiyā ḳıldı Aḳıttı āb-ı nāb-ı çeşmesār-ı re’fet ü cūdun Ser-ā-pā ʿālemi sīrāb-ı iḥsān u ʿatā ḳıldı Hemīşe sāyesin dūr etmesin Ḥaḳ farḳ-ı ʿālemden Ki icrā-yı zülāl-i şerʿi ol ẓıll-ı Ḫudā ḳıldı Bu ʿālī çeşmeyi Bāb-ı Hümāyūn pīşgāhına Saʿādetle o ḫāḳān-ı kerem-güster binā ḳıldı Ḫudā bir ḫayra tevfīḳ etti kim ḫāḳān-ı devrānı Devām-ı devlet ü iḳbāline ʿālem duʿā ḳıldı Lisān-ı ḥāl-ile Āb-ı ḥayāt ʿayniyle gūş eyle Gelip bu çeşme-i pür nūra naḳl-i mācerā ḳıldı Niçe olmaz duʿā-yı ḫayrı böyle pādişāhıŋ kim Eŋ ednā bendesin vālī-i iḳlīm-i ġınā ḳıldı İlāhī kevkeb-i iḳbāli olsun öyle ʿālī kim Desinler necm-i baḫtı zīver-i evc-i semā ḳıldı Zamān-ı ḥaşre dek memdūd edip Ḥaḳ sāyesin densin Vücūdun zīver-i mesnedgeh-i emn ü beḳā ḳıldı Tamāmında bu mısraʿla dedi tārīḫini Şākir Bu çeşmesārı Sulṭān Aḥmed-i ʿādil binā ḳıldı