Cenāb-ı Ḥażret-i Sulṭān Aḥmed Ḫān-ı S̱̱ālis̱ kim Sipihr-i salṭanatda ẕāt-ı pāki āfitāb-ı nūr Şeh-i taḫt-ı sa‘ādet ġāzī-i ṣāḥib-i kerāmetdir Veliyy-i pāk-ḫaṣlet ‘ilm ü ḥilm ü luṭf ile meşhūr Selef şāhānına her vech ile tercīḥe lāyıḳtır Ki etmiştir vücūh-ı ḫayra ṣarf-ı himmet ü maḳdūr Ḫuṣūṣan bir kitāb-ḫāne binā ḳıldı sarāy içre Mis̱ālin görmemiş kimse meger āyīne-i billūr Onuŋ ṭarḥın temāşā eyler iken pīşgāhında Seferli ḫānesi ‘ayn-ı ināyetle olup manẓūr Mis̱āl-i pīr-i fānī köhnemiş ġāyet derūnı teng Meşaḳḳat çekmede sükkānı ger ṣağ u eger ma‘ẕūr Hemān-dem himmet edip eyledi tecdīdine fermān Ola tā ḥaşre dek nām-ı şerifi ḫayr ile meẕkūr Du‘ā-i ḫayrını etmek egerçi farż u lāzımdır Seferliye velī emr etdi ol şāh-ı kerem-mevfūr Birer Yāsin ṣabāḥ aḫşam hilāl-i ṣavm geldikçe Ola her gecesinde bir s̱evāb-ı ḫatm ile me’cūr Müdāvim olalar cümle sefer olsun ḥażer olsun Seferli ḳulları çünki du‘āya oldular me’mūr Ḫudā ol şehriyārı salṭanatta ber-ḳarār etsin Żamīr-i pākini iki cihānda eyleye mesrūr Görüp tecdīdini Fā’iz dedi pākīze bir tārīḫ Seferli odasın Sulṭān Aḥmed eyledi ma‘mūr 1131