Zīver-i taḫt-ı ḫilāfet zīb-baḫş-ı salṭanat Şeb-çerāġ-ı tāc-ı şevket şāh-ı kerrūbī-nijād Ġāzī Ḫān Maḥmūd-ı ʿadlī kim be-emr-i Īzīdī ʿĀleme fermānına vācibdir etmek inḳiyād Ẕāt-ı ʿulyāsında cemʿ olmuş o şāh-ı ʿālemiŋ Merḥamet himmet seḫā taḳvā ḫulūs ʿaḳl ü reşād ’Afvı ġālib himmeti ’ālī ’aṭāsı bī-şümār Her bir eṭvārı pesendīde şeh-i ʿālī-nijād Ẕāt-ı ʿālī-şānına şāyeste evreng-i şükūh Dest-i fikr ü re’yine vā-beste teshīl-i mevād Buldu eyyām-ı saʿīdinde feraḥ ḳalb-i cihān Erdi hengām-ı güzīninde murādına ʿibād Bir nev-ās̱āra muvaffaḳ oldu kim ol şehriyār Ḫayr ile yād olur ʿālemde ilā-yevmi’t-tenād Baḫş edip vaḳf-ı hümāyūndan ʿaṭā her rūzede Eyledi şādān zülüflü ocaġın cedden ziyād Balṭacılar ketḫüdāsına yüz iḥsān eyleyip Sāʾirīn otuz ġuruşla ḳıldı mesrūrü’l-fu’ād Ber-murād-ı luṭf u cūd etdi ser-ā-pā ḳulların Ḳıla o şāhı murādı üzre Rabbim ber-murād Vāṣıfā tārīḫini muʿcemle taḥrīr eyledim Ḳıldı iḥsān-ı şeh-i ʿālem teberdārānı şād 1232 el-Faḳīr Yesārīzāde Muṣṭafā ʿİzzet ġufire le-hümā